Uca Allah Buyurur:

Onlara: «Allahın endirdiyinə tabe olun» deyilsə, «Xeyr! Biz atalarımızı hansı yolda görmüşüksə, ona tabe olacağıq!» deyirlər. Bəs ataları ağıllarını bir şeyə işlətməmiş və düz yola da daxil olmamışdılarsa, yenə tabe olacaqlar?

Bəqərə surəsi, 170

Quba məzarlığında rəmzi abidə ucaldılacaq

“Müvafiq təşkilatlar memorial lövhənin və rəmzi abidənin hazırlanması üzərində iş aparır”.

Quba Soyqırımı Memorial Kompleksində 1918-ci ilin qanlı hadisələrini əks etdirən memorial lövhə vurulması və burada rəmzi abidənin ucaldılması nəzərdə tutulur.

Din.az xəbər verir ki, bunu Azərbaycan Milli Elmlər Akademiyasının (AMEA) vitse-prezidenti, Quba Soyqırımı Memorial Kompleksində vəziyyətin araşdırılması üzrə komissiyanın üzvü, akademik İsa Həbibbəyli deyib.
İ.Həbibbəylinin sözlərinə görə, müvafiq təşkilatlar memorial lövhənin və rəmzi abidənin hazırlanması üzərində iş aparır. Bu işlərin mart ayının əvvəllərinədək başa çatdırılması planlaşdırılır.

AMEA-nın vitse-prezidenti əlavə edib ki, Azərbaycanlıların soyqırımı günlərində Quba məzarlığında abidənin ucaldılması və memorial lövhənin vurulması mərasimi rəsmi şəkildə həyata keçiriləcək.

İ.Həbibbəyli qeyd edib ki, vaxtilə erməni təcavüzkarları tərəfindən vəhşicəsinə qətlə yetirilərək qeyri-insani şəkildə məzarlara doldurulmuş tarixi məzarlıqda müəyyən yenidənqurma işləri aparılıb, azərbaycanlılarla yanaşı, digər millətlərə də aid olan buradakı insan sümükləri milli və dini adətlərə uyğun olaraq torpağa basdırılıb, qorunmaq üçün məzarlığın üstü örtülüb. Hazırda Quba məzarlığı ətrafında müəyyən abadlıq işləri aparılır. / Metbuat.az

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...