Uca Allah Buyurur:

Bəndəmizə (Muhəmmədə) hissə-hissə göndərdiyimizdən şübhəniz varsa, Allah ilə aranıza qoyduğunuz ulu adamlarınıza da yalvararaq ondakına bənzər bir surə gətirin! İddianızda haqlısınızsa, edərsiniz!

Bəqərə surəsi, 23

Qüdsə və Qarabağa azadlıq tələbi

İMMK və AZB bəyanat yaydı.

İslam Məhbuslarının Müdafiə Komitəsi və Azərbaycan Ziyalılar Birliyi Qüds və Qarabağına zadlığı ilə bağlı birgə bəyanat yayıb.

Din.az bildirir ki, Moderator.az-a daxil olan bəyanatda deyilir:

“Biz, işğal altında olan Qüdsə – Beytül Müqəddəsə və əzəli yurdumuz, doğma Qarabağımıza AZADLIQ tələb edirik! Zalımların qarşısından çəkinməmək, məzlumlara dayaq olmaq və bu yolda VƏHDƏTə gəlmək – bu, “Qüds günü”nün ali tələbidir. Beynəlxalq “Qüds günü” bir simvol olaraq, bəşəri dəyərlərin təntənəsini, sülhü,əminamanlığı,insanların, dövlətlərin təkamül yolunu seçməsini və buna heç bir alternativ olmadığını ehtiva edir Beynəlxalq “Qüds günü” habelə, təcavüzə, aqressiv işğalçılıq siyasətinə qarşı mücadilə günüdür. Mütərəqqi düşüncəli hər bir insan bu bu taleyüklü mübarizədə iştirak etməyə borcludur.Biz, bu gün Qüds və Qarabağın taleyindəki oxşar paralellər haqda düşünərkən,eləcə də təcavüz və qəsbkarlığın səbəblərini arayarkən cəmi müsəlman ümmətinin başı üzərində hansı real təhlükələrin olduğunun fərqinə varmalıyıq. Bu gün bir çox islam ölkələrində hələ də günahsıs və məsum insanların qanı axıdılır… Bu gün qəsbkarlıq və müstəmləkəçilik,irqçilik və xudpəsəndlik xəstəliyinə yoluxmuş üzdəniraq islamafob dövlətlər İslam dinini, İslam Dövlətlərini hədəf seçiblər. İsrail rejiminin Fələstində, Ermənistanın Azərbaycanda, ABŞ-ın Suriya,Əfqanıstan və İraqda, Rusiyanın MDB məkanında çıxardığı “oyunlar” xarici siyasət anlayışına parodiyadır –dəhşətli və qanlı parodiya! Bu gün Beytül-Müqəddəs əsarətdədir! Bu gün Qarabağımız işğal altındadır! Bu gün Fələstinin Qəzza bölgəsinə bomba yağışı yağdırılır – günahsız insanların qanı su yerinə axıdılır! Bu gün Suriya can verir. Bu gün İran ədalətsiz sanksiyalarla sındırılmağa cəhd edilir… Bütün bunlara rəğmən, biz inanırıq və əminik ki, tərəqqipərvər insan şüuru,son nəticədə, qlobal ixtilaflar əvəzinə, bəşəriyyətə işıq və günəş toxumu səpməyin zərurətini dərk edəcək..Və az müddət ərzində bu günəş və işıq toxumlarından sülh, əminamanlıq, insana sevgi, insaniyyət,əxlaqi və mənəvi dəyərlər cücərəcək. Və məhz elə buna görə də, bu gün biz, hər bir vətəndaşımızı zorakı və irqçi siyasət yürüdən riyakar dövlətlərin mənəvi-psixoloji və hərbi deqradasiya uçrumuna yuvarlanmasına öz etirazını açıq şəkildə bəyan etməsinə çağırırıq. Qüdsə azadlıq! Qarabağa azadlıq!”

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...