Uca Allah Buyurur:

İnsanlara yaxşı olmağı əmr edib özünüzü yaddan çıxarırsınız, eləmi? Bir də Kitabı oxuyursunuz. Heç ağlınızı işlədirsiniz?

Bəqərə surəsi, 44

QURBAN BAYRAMI İLƏ BAĞLI XƏBƏRDARLIQ: QARŞISI ALINACAQ

“Namazların və ibadətlərin qrafikə uyğun həyata keçirilməsinə nəzarət olunur”.

Dini Qurumlarla İş üzrə Dövlət Komitəsi (DQİDK) bayram namazlarının müəyyən edilmiş qrafik üzrə qılınması ilə bağlı tövsiyələr verib.

Din.az-ın bildirdiyinə görə, DQİDK-nın sədr müavini Səyavuş Heydərov Trend-ə deyib ki, komitənin əməkdaşları tərəfindən bununla bağlı vətəndaşlara müvafiq tövsiyələr verilib.

O qeyd edib ki, komitə tərəfindən mütəmadi olaraq monitorinqlər həyata keçirilir: “Monitorinqlər bayram günlərində də keçiriləcək. Ümumiyyətlə namazların, ibadətlərin, o cümlədən bayram namazlarının müəyyən olunmuş qrafikə uyğun olaraq həyata keçirilməsinə monitorinqlər vasitəsilə nəzarət olunur”.

S.Heydərov əlavə edib ki, bayram namazının məscidlərdən, ibadətgahlardan kənarda qılınmasına imkan verilməyəcək:

“Əvvəllər də bayram namazını insanların qrup şəklində məscidlərdən kənarda qılmağa cəhd etməsi hallarına rast gəlinib. Belə hallar çox az olsa da müşahidə edilib. Həmin şəxslər məsciddən kənarda, müəyyən məkanlarda, meşələrdə, çay qıraqlarında dini ayinlərin icrasını həyata keçirməyə cəhd ediblər, ancaq hüquq mühafizə orqanları belə halların qarşısını alıb. Əgər bu yenə baş verərsə, qarşısı alınacaq. Kütləvi şəkildə dini ayinlərin icrası ancaq rəsmi qeydiyyatı olan ibadətgahlarda həyata keçirilməlidir. Bu, qanunun tələbidir”.

MÜZAKİRƏ

Bir Cevap Yazın

E-posta hesabınız yayımlanmayacak. Gerekli alanlar * ile işaretlenmişlerdir

Din.Az - yaradandan yaradılana...