Uca Allah oruc haqqında buyurub::

“Ey iman gətirənlər! Sizdən əvvəlkilərə fərz qılındığı kimi oruc tutmaq sizə də fərz qılındı ki, bununla qorunasınız”.

“Bəqərə” surəsi, 2/183

R.T. ƏROĞAN: “Qüdsün statusu ilə bağlı atılacaq hər hansı yanlış addım islam dünyasında hiddətə səbəb olacaq”

“Qüds şəhərinin hüquqi statusunu dəyişdirəcək addım atılmamalıdır”.

“Qüds (Yerusəlim) şəhəri bütün müsəlmanların göz bəbəyidir”.

Din.az APA-ya istinadən bildirir ki, bunu Türkiyə prezidenti Rəcəb Tayyib Ərdoğan İordaniya kralı Abdullahla mətbuata birgə bəyanatlarla çıxış edərkən deyib.

Türkiyə prezidenti bildirib ki, Qüds şəhərinin hüquqi statusunu dəyişdirəcək addım atılmamalıdır: “Qüdsün statusu ilə bağlı atılacaq hər hansı yanlış addım islam dünyasında hiddətə səbəb olacaq. Qüdsün müqəddəsliyi və tarixi statusunun mühafizəsi məsələsində İordaniya ilə mövqeyimiz eynidir”.

Ərdoğan Qüds şəhəri ilə bağlı dünya ölkələrinə müraciət edib: “Qüdsün Birləşmiş Millətlər Təşkilatının qərarları ilə müəyyən edilmiş hüquqi statusunu dəyişdirəcək istənilən addımdan uzaq durulmalıdır. Şəxsi istəklərə görə sayı milyarddan çox olan müsəlmanların taleyi ilə oynamağa heç kimin haqqı yoxdur”.

İordaniya kralı isə deyib ki, Qüdslə bağlı narahatlığını ABŞ prezidenti Donald Trampa çatdırıb.

Qeyd edək ki, ABŞ prezidenti D. Tramp bu gün Qüdsün İsrailin paytaxtı kimi tanındığını rəsmi elan edəcək. ABŞ prezidentinin müvafiq bəyanatı bu gün Bakı vaxtı ilə saat 22.00-da səsləndiriləcək.

Xatırladaq ki, ərəb ölkələrinin liderləri ABŞ prezidentinin niyyətini tənqid ediblər. Avropa İttifaqı isə D. Trampın bu qərarının Yaxın Şərq probleminin həlli istiqamətində səylərə xələl gətirə biləcəyi ilə bağlı xəbərdarlıq edib. Türkiyə prezidenti isə elan edib ki, ABŞ Qüdsü İsrailin paytaxtı kimi tanısa, İsraillə diplomatik əlaqələr kəsiləcək.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...