Uca Allah Buyurur:

Onlara: «Allahın endirdiyinə tabe olun» deyilsə, «Xeyr! Biz atalarımızı hansı yolda görmüşüksə, ona tabe olacağıq!» deyirlər. Bəs ataları ağıllarını bir şeyə işlətməmiş və düz yola da daxil olmamışdılarsa, yenə tabe olacaqlar?

Bəqərə surəsi, 170

Ramazanda mədə probleminin olmaması üçün bunlara əməl edin!

Ramazan ayında insanların ən çox qarşılaşdıqları problemlər.

Ramazan ayı boyunca ən çox rastlaşdığımız problemlərdən biri də mədədə olan ağrılardır.

Din.az “Day.Az”a istinadən bu sıxıntıdan qurtulmaq üçün əməl etməli olduğunuz məsləhətləri təqdim edir:

 

  1. Balanslı bəslənin və normadan artıq yeməməyə çalışın. İftarı iki hissəyə bölüb, 1-1.5 saat fərqlə qidalanın.

 

  1. Mütləq imsak vaxtı oyanıb qidalanmağa çalışın. Bu zaman süd, qatıq, pendir kimi yüngül qidalardan istifadə olunmalı, tərəvəz və zeytun yağı ilə hazırlanmış yeməklərə üstünlük verilməlidir.

 

  1. İftara pendir, pomidor, zeytun, şorba kimi yüngül yeməklərlə başlamalı, 10-15 dəqiqə sonra az yağlı ət, tərəvəz yeməyi yeyilməlidir.

 

  1. Gündəlik 2-2.5 litr su içməyə çalışmaq lazımdır. Ayran, təzə sıxılmış meyvə suları içməyə diqqət edilməlidir.

 

  1. İftarda həddindən artıq şərbətli, yağlı şirniyyatlar yerinə pudinq, sütlaç kimi yüngül şirnilərə üstünlük verin.

 

 

  1. Yeməkləri sürətli yeməkdən qaçmalı və həzm problemi yaranmasın deyə çeynəyərək, yavaş-yavaş yeməlisiniz.

 

  1. İftar zamanı böyük boşqab yerinə daha kiçik boşqab götürərək özünüzü daha az yeməyə uyğunlaşdıra bilərsiniz.

 

  1. İftardan sonra televizorun, komputerin qarşısına keçmək əvəzinə gəzməyə üstünlük verilməlidir.

 

  1. Yeməklərin bişirilmə üsullarına da diqqət yetirməkdə fayda var. Qovrulmuş, hisə verilmiş, qızardılmış qidalardan uzaq durmalı, qaynatma, sobada bişirilən yeməklərə üstünlük verilməlidir.

 

  1. Qidalanma sistemindəki dəyişikliklə əlaqədar olaraq qəbizlik yaranmasın deyə tərəvəz, paxlalı bitkiləri seçmək, qoz, fındıq, badam kimi çərəzlərdən istifadə etmək lazımdır.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...