Uca Allah oruc haqqında buyurub::

“Ey iman gətirənlər! Sizdən əvvəlkilərə fərz qılındığı kimi oruc tutmaq sizə də fərz qılındı ki, bununla qorunasınız”.

“Bəqərə” surəsi, 2/183

Roma Papası ABŞ prezidenti ilə görüşə hazır olduğunu bildirib

Bir vaxtlar Fransisk Trampın ünvanına tənqidlər səsləndirmişdi.

Roma Papası Fransisk ABŞ prezidenti Donald Trampla görüşə hazırdır.

“Din.az” “Report”a istinadən xəbər verir ki, bu barədə Papa özü Qahirədən Romaya qayıdanda jurnalistlərin suallarını cavablandırarkən bildirib.

“Dövlət katibliyi (Vatikan hökuməti) hələlik məni qarşı tərəfdən müvafiq sorğu barədə məlumatlandırmayıb. Amma mən bununla bağlı xahiş edən istənilən dövlət başçısını qəbul edirəm” – deyə Fransisk bildirib.

İtaliya mətbuatı çoxdandır Trampın G7 sammitində iştirak etmək üçün mayın 26-27-də Siciliyaya gəldikdə Roma Papasının ABŞ prezidenti ilə ilk görüşünün keçiriləcəyi barədə ehtimallar səsləndirir.

Xatırladaq ki, Tramp hələ prezidentliyə namizəd olanda Fransisk onun ünvanına xüsusən miqrasiya problemi ilə bağlı tənqidlər səsləndirmişdi. “Kim ki divarlar tikir, özünü xristian saya bilməz” – deyə Papa Trampın prezident olduqdan sonra Meksika ilə sərhəddə divar inşa etdirəcəyi barədə vədindən sonra demişdi. Sonralar Fransisk ABŞ-ın yeni administrasiyasının siyasətini şərh etmədi.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...