Uca Allah oruc haqqında buyurub::

“Ey iman gətirənlər! Sizdən əvvəlkilərə fərz qılındığı kimi oruc tutmaq sizə də fərz qılındı ki, bununla qorunasınız”.

“Bəqərə” surəsi, 2/183

Roma Papası səfəri zamanı Bakıda nə edəcək?

Tiflisdən Bakıya gələcək Papa Fransisk həmin gün də ölkəmizi tərk edəcək

Vatikanın Roma Papası Fransiskin Azərbaycana və Gürcüstana bu ilin payızında baş tutacaq səfərinin proqramını açıqlayıb.

“Din.az” “tərəfdar.az”a istinadən xəbər verir ki, proqrama əsasən səfər sentyabrın 30-dan oktyabrın 2-nə qədər davam edəcək. Fransisk Gürcüstanda iki gün qalacaq, o, prezident Georgi Marqvelaşvili, bütün Gürcüstan katolikosu İlya II, yerli katolik icmasının nümayəndələri ilə görüşəcək.

Katoliklərin dini lideri səfəri zamanı Tiflisin Mixail Mesxi adına stadionunda kütləvi dua mərasimi keçirəcək. Habelə Mtsxetedəki qədim kafedral məbədinə baş çəkəcək.

Bazar günü, oktyabrın 2-də Roma Papası Tiflisdən Bakıya gələcək, onun səfəri Bakıda Müqəddəs Məryəm kilsəsində dini ayinlə başlayacaq. Daha sonra pontifik prezident İlham Əliyevlə, Qafqaz Müsəlmanları İdarəsinin rəhbəri Allahşükür Paşazadə, rus provaslav kilsəsinin və yəhudi icmasının rəhbərliliyi ilə görüşəcək. Həmin gün axşam Papa Bakını tərk edəcək.

Xatırladaq ki, Papa Fransiks iyunun sonlarında Ermənistanda üçgünlük səfərdə olub.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...