Uca Allah Buyurur:

Bəndəmizə (Muhəmmədə) hissə-hissə göndərdiyimizdən şübhəniz varsa, Allah ilə aranıza qoyduğunuz ulu adamlarınıza da yalvararaq ondakına bənzər bir surə gətirin! İddianızda haqlısınızsa, edərsiniz!

Bəqərə surəsi, 23

Şamaxıdakı kilsə Azərbaycanın qorunan abidələrinin siyahısına salınacaq

Mədrəsə kəndindəki kilsə yeni aşkar olunmuş abidə kimi qeydiyyata alınıb.

Şamaxıda baxımsız vəziyyətdə qalan abidə, Mədəni İrsin Qorunması, İnkişafı və Bərpası üzrə Dövlət Xidmətinin siyahısına salınacaq.

Din.az bildirir ki, bunu Trend-ə açıqlamasında Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin mətbuat katibi Fariz Hüseynov deyib. Onun sözlərinə görə, son dövrdə qurum tərəfindən 1700-dək yeni abidə aşkarlanaraq qeydiyyata götürülüb:

“Həmin abidələrdən biri də Şamaxıda Mədrəsə kəndində olan kilsədir. Hazırda abidə yeni aşkar olunmuş abidə kimi qeydiyyata alınıb. Artıq sənədlər Azərbaycan Milli Elimlər Akademisyasına göndərilib və kilsəyə Alban abidəsi rəyi verilib. Tikili dövlət tərəfindən mühafizə olunan daşınmaz tarixi mədəniyyət abidələri siyahısına alındıqdan sonra, bərpası aparılacaq”.

F.Hüseynov qeyd edib ki, baxımsız qalan abidəyə kimliyi bilinməyən şəxslər tərəfindən zərər vurulub:
“Bu gün artıq həmin abidənin təmizlənməsi, içərisində olan artıq şeyləri çıxarlması ilə bağlı tapşırıq verilib. Dəymiş ziyanla bağlı isə akt hazılanaraq lazımı orqanlara təqdim olunacaq və daha sonra abidəyə zərər vurən şəxsin kimliyi araşdırılacaq”.

Mətbuat katibi əlavə edib ki, Mədrəsə və yaxın digər kəndlərdə olan abidələrin mühafizəsi üçün müəyyən şəxs ayırılıb və o mütəmadi olaraq onlara baş çəkərək vəziyyətlə bağlı məlumat verəcək.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...