Uca Allah oruc haqqında buyurub::

“Ey iman gətirənlər! Sizdən əvvəlkilərə fərz qılındığı kimi oruc tutmaq sizə də fərz qılındı ki, bununla qorunasınız”.

“Bəqərə” surəsi, 2/183

Şəhid övladları Türkiyəyə səfər edəcək – Şəhid ailələri bir-birinə qucaq açır…

Şəhid övladları Türkiyəyə səfər edəcəklər.

Azərbaycan Xalq Cümhuriyyətinin 100 illiyi ilə əlaqədar Türkiyədə fəaliyyət göstərən Azərbaycan Qadınları Mədəniyyət Mərkəzi Dərnəyi “Azərbaycan-Türkiyə şəhid övladları qucaqlaşırlar” layihəsinin icrasına başlayıb.

Din.az bildirir ki, Diasporla İş üzrə Dövlət Komitəsindən Milli.Az-a verilən məlumata görə, Dərnəyin sədri Cəvahir Əhmədovanın dediyinə əsasən, Türkiyə Baş Nazirliyinin Tanıtım Fondunun maliyyə dəstəyi ilə həyata keçirilən layihənin məqsədi Türkiyə Cümhuriyyəti və Azərbaycan Respublikasında olan şəhid uşaqlarını və ailələrini görüşdürmək, onları ölkələrimizin tarixi və mədəniyyəti ilə yaxından tanış etmək, eyni zamanda terrora qarşı Afrin əməliyyatında Türkiyə dövlətinə və ordusuna mənəvi dəstək olmaqdır. Bu məqsədlə Azərbaycanın şəhid övladlarından ibarət 38 nəfərlik qrup 2018-ci ilin mart ayının 15-dən 27-dək Türiyədə səfərdə olacaq. 12 gün ərzində şəhid övladları Ankarada Mustafa Kamal Atatürkün Mavzoleyini, Türkiyə Cümhur Başkanlığını, Türkiyə Böyük Millət Məclisini ziyarət edəcək, rəsmi şəxslərin qəbulunda olacaqlar.

Daha sonra uşaqların Bursaya və Eskişehirə səfəri planlaşdırılır. Uşaqlar bu şəhərlərdə tarixi yerləri gəzəcək, mədəniyyət abidələri ilə tanış olacaqlar. Şəhid övladlarının səfəri Afyonkarahisar, Kocatepe şəhidliyi, Çanakkaladan keçərək İzmirdə başa çatacaq. Azərbaycan Qadınları Mədəniyyət Mərkəzi Dərnəyinin fəaliyyət göstərdiyi İzmirdə Türkiyədə olan şəhid uşaqları və ailələri ilə görüş, birlikdə tarixi və mədəni yerlərə gəzinti təşkil olunacaq. Səfər müddətində şəhid uşaqlarını 1 həkim, 2 tarixçi alim, 1 psixoloq və 6 nəfərdən ibarət nəzarətçi qrup müşayiət edəcək.

Qeyd edək ki, layihənin ikinci mərhələsində 2018-ci ilin sentyabr ayında Türkiyədən Azərbaycana 50 şəhid övladının səfəri nəzərdə tutulur. Layihənin Azərbaycan üzrə koordinatoru “Palitra” qəzetinin əməkdaşı Fuad Hüseynzadədir.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...