Uca Allah Buyurur:

İnsanlara yaxşı olmağı əmr edib özünüzü yaddan çıxarırsınız, eləmi? Bir də Kitabı oxuyursunuz. Heç ağlınızı işlədirsiniz?

Bəqərə surəsi, 44

Bu müsəlman ölkəsi qeyri-dini turizmi inkişaf etdirmək üçün vizanı sadələşdirir

Turistlər viza işlərini bir neçə dəqiqəyə həll edə biləcələr.

Səudiyyə Ərəbistanı hökuməti ölkənin inkişafı və krallığı qeyri-dini turizmə açıq etmək məqsədilə görülən tədbirlər çərçivəsində əcnəbi qonaqlar üçün viza rejimini sadələşdirəcək. Proses 2019-cu ilin sonunda həyata keçiriləcək.

Din.az-ın xəbərinə əsasən, Səudiyyə rəsmiləri bildiriblər ki, artıq ölkəyə gələn turistlər və əcnəbi vətəndaşlar viza işlərini internet üzərindən cəmi bir neçə dəqiqəyə həll edə biləcələr. Belə ki, turistlər viza üçün onlayn rejimdə qeydiyyatdan keçəcəklər və daha sonra 24 saat ərzində onların sənədləri elektron poçtlarına göndəriləcək. Krallıq bəyan edib ki, artıq viza əldə etmək üçün səfirlik və ya konsulluğa baş çəkməyə ehtiyac qalmayacaq.

Qeyd edək ki, Səudiyyə Ərəbistanı uzun müddət turistlər üçün ən qapalı ölkələrdən biri olub. Mövcud sistem ora səfər etmək istəyən biznesmenlər və hacıların yalnız iki həftə müddətinə viza əldə etməsinə icazə verir. Krallıq rəhbərliyi hesab edir ki, viza prosesinin sadələşdirilməsi və elektron müstəviyə keçirilməsi turistlərin axınına və nəticə etibarilə ölkənin inkişafına təkan verəcək.

Səudiyyədə kinoteatrlar yalnız 2018-ci ildə açılmağa başlayıb. Daha sonra musiqi konsertlərinin və beynəlxalq idman tədbirlərinin keçiriməsinə icazə verilib.  / Azvision.az

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...