Uca Allah Buyurur:

Bəndəmizə (Muhəmmədə) hissə-hissə göndərdiyimizdən şübhəniz varsa, Allah ilə aranıza qoyduğunuz ulu adamlarınıza da yalvararaq ondakına bənzər bir surə gətirin! İddianızda haqlısınızsa, edərsiniz!

Bəqərə surəsi, 23

Səudiyyə Ərəbistanından bin Ladenlə bağlı gözlənilməz qərar

Vətəndaşlığın ləğv edilməsi qərarı krallığın rəsmi qəzeti “Ümmül Kurada”da yer alıb.

Bir neçə gün öncə ABŞ Həmzə Bin Ladenin başına 1 milyon dollar mükafat qoyub.

Səudiyyə Ərəbistanı Əl-Qaidənin yaradıcılarından olan Üsəma Bin Ladenin oğlu Həmzə Bin Ladeni vətəndaşlıqdan çıxarıb.

Din.az “Sputnik Azərbaycan”a  istinadla xəbər verir ki, Səudiyyə Ərəbistanın “Ukaz” qəzetinin məlumatına görə, Daxili İşlər Nazirliyinin Həmzə Bin Ladenin vətəndaşlığının ləğv edilməsi barədə qərarı krallıq tərəfindən qəbul edilib. Xəbərdə həmçinin qeyd edilib ki, vətəndaşlığın ləğv edilməsi qərarı krallığın rəsmi qəzeti “Ümmül Kurada”da yer alıb.

Xatırladaq ki, bir neçə gün öncə ABŞ Həmzə Bin Ladenin başına 1 milyon dollar mükafat qoyub.

ABŞ Xarici İşlər Nazirliyi bu mükafatla bağlı verdiyi açıqlamada Həmzə Bin Ladenin Əl-Qaidə təşkilatı daxilində lider olduğunu, 2015-ci ildən bu günə qədər təşkilat terrorçularını ABŞ hərbi bazalarına hücum etməyə təşviq edən videolar çəkdiyini və 2011-ci ildə öldürülən atası Üsəma Bin Ladenin intiqamını almağa çalışdığını qeyd edib.

 

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...