Uca Allah Buyurur:

Bəndəmizə (Muhəmmədə) hissə-hissə göndərdiyimizdən şübhəniz varsa, Allah ilə aranıza qoyduğunuz ulu adamlarınıza da yalvararaq ondakına bənzər bir surə gətirin! İddianızda haqlısınızsa, edərsiniz!

Bəqərə surəsi, 23

Səudiyyə vəliəhdinin bacısına Fransada şərti cəza kəsildi

Həssa binti Salman zorakılıqda iştirakda və qanunsuz olaraq azadlıqdan məhrum etməyə yardım göstərməkdə günahkar bilinib.

Misirli usta saatlarla təhqirlərə məruz qalıb, dizləri üstə saxlanılıb və şahzadənin ayaqlarını öpməyə məcbur edilib.

Səudiyyə vəliəhdi Məhəmməd ibn Salmanın bacısı Həssa binti Salman Fransa məhkəməsi tərəfindən şərti olaraq 10 ay müddətinə azadlıqdan məhrum edilib.

Din.az “Sputnik Azərbaycan”a istinadən xəbər verir ki, Səudiyyə şahzadəsi şəxsi cangüdənindən 2016-cı ilin sentyabrında onun Parisdəki mənzilində təmir işləri aparmış sanitariya texnikası ustasını döyməyi xahiş edib.

Bildirilir ki, misirli usta həmçinin saatlarla təhqirlərə məruz qalıb. Belə ki, Həssa binti Salmanın cangüdənləri onu dizləri üstə durmağa və şahzadənin ayaqlarını öpməyə məcbur ediblər.

Şahzadə Həssa isə ustanı icazə olmadan onun şəkillərini və videogörüntülərini çəkməkdə günahlandırır.

Məlumata görə, Həssa binti Salman zorakılıqda iştirakda və qanunsuz olaraq azadlıqdan məhrum etməyə yardım göstərməkdə günahkar bilinib.

Şahzadə həmçinin 10 min avro (təxminən 10,9 min dollar) həcmində cərimə ödəməli olacaq. Qeyd olunur ki, Həssa binti Salman hökmün elanında iştirak etməyib.

 

 

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...