Uca Allah Buyurur:

Bəndəmizə (Muhəmmədə) hissə-hissə göndərdiyimizdən şübhəniz varsa, Allah ilə aranıza qoyduğunuz ulu adamlarınıza da yalvararaq ondakına bənzər bir surə gətirin! İddianızda haqlısınızsa, edərsiniz!

Bəqərə surəsi, 23

Şri-Lanka qapalı geyimləri və niqabı qadağan etməyə hazırlaşır

Dəhşətli terror dalğası dini geyimlərin qadağan edilməsini gündəmə gətirdi.

Şri-Lankada törədilmiş dəhşətli terror dalğası dini geyimlərin qadağan edilməsini gündəmə gətirib

Yüzlərlə insanın öldüyü son partlayışda qadınların yaxından iştirak etməsi ehtimalına görə, Şri-Lanka hakimiyyəti ölkədə niqab bağlamağı qadağan edə bilər.

Din.az Sputnik.az-a istinadən xəbər verir ki, aprelin 22-də artıq bu istiqamətdə addımlar atılıb.

Bu qərar şübhəlilərin dindirilməsi və şahidlərin təqim etdiyi sübutlardan sonra verilib.

Xatırladaq ki, Şri-Lankada aprelin 21-də Pasxa qeyd edilən zaman partlayışlar baş verib.

Əvvəlcə 3 məbəd və 3 hoteldə 6 partlayış baş verib. Sonra isə adanın qərbində 7-ci, Kolombo kənarındakı yaşayış məntəqəsində isə 8-ci partlayış qeydə alınıb. Yerli mətbuatın məlumatına görə, terror hadisələri “kamikadze”lər tərəfindən törədilib.

Son məlumata görə, partlayışlar zamanı 45-i uşaq olmaqla 321 nəfər ölüb, 525 nəfər yaralanıb.

 

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...