Uca Allah Buyurur:

Onlara: «Allahın endirdiyinə tabe olun» deyilsə, «Xeyr! Biz atalarımızı hansı yolda görmüşüksə, ona tabe olacağıq!» deyirlər. Bəs ataları ağıllarını bir şeyə işlətməmiş və düz yola da daxil olmamışdılarsa, yenə tabe olacaqlar?

Bəqərə surəsi, 170

Suriyada döyüşməkdə təqsirləndirilənlərin məhkəməsində prokuror ittiham aktını elan edib

“Nüsra Cəbhəsi”ndə vuruşmaqda təqsirləndirilənlərin məhkəmə iclası davam etdirilib.

Bakı Ağır Cinayətlər Məhkəməsində İŞİD terror təşkilatının bir qolu olan “Nüsra Cəbhəsi” tərkibində Suriyada vuruşmaqda təqsirləndirilən Emin Quliyev, Asim Baxışov və Feyruz Əliverdiyevin cinayət işi üzrə məhkəmə iclası davam etdirilib.

Din.az xəbər verir ki, hakim Eldar İsmayılovun sədrliyi ilə keçirilən prosesdə prokuror ittiham aktını elan edib.

İttiham aktına əsasən, həmin şəxslər Türkiyə ərazisindən keçərək Suriyada Gürcüstan vətəndaşının rəhbərlik etdiyi cinayətkar birliyin tərkibində odlu silah “Kalaşnikov”dan istifadə edərək orada hava limanının alınması uğrunda gedən döyüşlərdə iştirak ediblər. Daha sonra İstanbul şəhərinə gələrək oradan Azərbaycana qayıdıblar. Ölkə ərazisində olarkən həbs ediliblər.

E.Quliyev ittihamı eşitmədiyini deyib: “Mənə heç kim deməyib ki, niyə tutublar”.

F.Əliverdiyev və A.Baxışov özlərini təqsirli bilmədiklərini deyiblər.

E.Quliyevə sərbəst ifadə vermək təklif olunsa da, o, susaraq heç nə deməyib.

Məhkəmədə E.Quliyevin istintaq ifadələri elan olunub. Məlum olub ki, ilkin mərhələdə etirafedici ifadələr versə də, sonradan özünü təqsirli bilmədiyini deyib. / Report.az

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...