Uca Allah Buyurur:

İnsanlara yaxşı olmağı əmr edib özünüzü yaddan çıxarırsınız, eləmi? Bir də Kitabı oxuyursunuz. Heç ağlınızı işlədirsiniz?

Bəqərə surəsi, 44

Suriyada uşaqlar arasında kütləvi ölüm müəmması…

Ölənlər arasında yeni doğulmuş körpələr də var.

Suriyanın şimal-şərqində yerləşən qaçqın düşərgəsində uşaqlar arasında kütləvi ölüm halları qeydə alınıb.

Din.az bildirir ki, bu barədə Ümumdünya Səhiyyə Təşkilatının (ÜST) məlumatında bildirilir.

Qeyd olunur ki, ölənlər arasında yeni doğulmuş körpələr də var.

Son səkkiz həftə ərzində Əl-Hol düşərgəsinə Deyz-əz-Zor vilayətindəki toqquşmalardan qaçan 23 min insan gəlib. Deyz-əz-Zorda İŞİD terror qruplaşması ilə Suriya Demokratik Qüvvələri arasında (ABŞ-ın dəstəklədiyi kürd və ərəb birləşmələri) döyüşlər gedir. Nəticədə düşərgədə insan sıxlığından vəziyyət kritik həddə çatıb.

Hazırda Əl-Holda 33 min insan var ki, onların əksəriyyəti qadın və uşaqdır. Bildirilir ki, böyük axın nəticəsində qaçqınlar açıq səma altında ədyalsız yatmağa məcbur olur. Düşərgədə onların hamısını qəbul edib yoxlamaq mümkün deyil.

Qeyd olunur ki, iki ay ərzində düşərgədə ən azı 29 uşaq ölüb. Onların əksəriyyəti soyuqdan dünyasını dəyişib. Hazırda vəziyyəti daha ağır olan uşaqlar Əl-Hasaka vilayətindəki xəstəxanaya göndərilir.(Oxu.Az)

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...