Uca Allah Buyurur:

İnsanlara yaxşı olmağı əmr edib özünüzü yaddan çıxarırsınız, eləmi? Bir də Kitabı oxuyursunuz. Heç ağlınızı işlədirsiniz?

Bəqərə surəsi, 44

Tramp Ağ evdə iftar verdi: Azərbaycan səfiri də iftarda iştirak etdi

Müsəlman dövlətlərinin diplomatları Trampın iftar süfrəsində …

ABŞ prezident Donald Tramp hakimiyyətdə olduğu bir il yarım ərzində müqəddəs Ramazan ayı münasibətilə ilk dəfə Ağ evdə iftar süfrəsi açıb.

Din.az “Report”a istinadən xəbər verir ki, iftarda əhalisinin çoxu müsəlman olan dövlətlərin ABŞ-dakı səfirləri və Vaşinqtondakı müsəlman icmalarının təmsilçiləri iştirak ediblər.

Ağ ev iftarda iştirak edənlərin siyahısını açıqlamayıb. Ancaq jurnalistlər Azərbaycanın ABŞ-dakı səfiri Elin Süleymanov da daxil olmaqla Türkiyə, Səudiyyə Ərəbstanı, İordaniya, Misir, Bilərşmiş Ərəb Ərmirlikləri, Tunis, İraq, Qətər, Bəhreyn, Mərakeş, Əlcəzair və Liviyanın ABŞ-dakı səfirliklərinin mərasimə qatıldığını öyrənə biliblər.

İftara dəvət edilməyən müsəlman icmasının təmsilçiləri isə buna etiraz olaraq Ağ evin qarşısındakı Lafayette Parkda alternativ iftar süfrəsi açıblar, tədbir keçiriblər. Həmin mərasimə Amerka-İslam Əlaqələri Şurası və Şimali Amerika İslam İcmasının təmsilçiləri də qatılıb. İftardan əvvəl birlikdə namaz qılan 150-yə yaxın müsəlman birlikdə yemək yeyib.

Şimali Amerika İslam İcmasının rəhbəri Zahid Buxari bildirib ki, ABŞ-dakı milyonlarla müsəlmanın təmsilçilərinini Ağ evdə verilən iftara çağırılmaması Donald Trampın müsəlmanlara və İslama münasibtinə bir nümunədir: “Amerikanın əhəmiyyətli müsəlman liderləri bu tədbirə çağırılmırsa, deməli hədəf xoş məranlı deyil. Ancaq, ötən il atmadıqları addımı 17 aydan sonra atmalarına da şükür. Biz də bu yarımçıq mərasimi tamamlamaq üçün burada iftar süfrəsi açırıq”.

Məlumata görə, ABŞ-dakı xristian rahiblərdən biri müsəlman icmasının etiraz aksiyasına dəstək vermək üçün iftarda iştirak edib.

Bildirilib ki, son 20 ildə 2016-cı ilədək ABŞ prezidentləri Bil Klinton, kiçik Corc Buş və Barak Obama adından hər il Ağ evdə iftar süfrəsi açılıb. 2017-ci ildə Donald Tramp bu ənənəni pozub və iftar verməyib. Onun bu hərəkəti isə ictimaiyyətdə etiraza səbəb olmuşdu.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...