Uca Allah Buyurur:

Onlara: «Allahın endirdiyinə tabe olun» deyilsə, «Xeyr! Biz atalarımızı hansı yolda görmüşüksə, ona tabe olacağıq!» deyirlər. Bəs ataları ağıllarını bir şeyə işlətməmiş və düz yola da daxil olmamışdılarsa, yenə tabe olacaqlar?

Bəqərə surəsi, 170

Tramp: “Xəlifəlik” deyə adlandırdıqları şeyi yüz faiz bitirəcəyik”

Tramp: “Yaxın vaxtda Suriyadan çəkiləcəyik”.

ABŞ prezidenti Donald Tramp Ohayo ştatında təşkil olunan mitinqlərin birində çıxışı zamanı ABŞ qüvvələrinin yaxın zamanda Suriyadan çəkiləcəyini bildirib.

Din.az xəbər verir ki, ABŞ-ın iqtisadi vəziyyəti barədə danışarkən bu məsələyə toxunan Tramp Suriyadakı “Xəlifəlik” adlandıran rejimi tamamilə bitirəcəklərini deyib: “Suriyadan çox yaxın zamanda çıxacağıq. Çox yaxında. Artıq onunla bölgədəki digər insanlar maraqlansınlar. “Xəlifəlik” deyə adlandırdıqları şeyi yüz faiz bitirəcəyik. (İŞİD-in əlindən) Hamısını geri alacağıq”.

ABŞ ordusunun İŞİD üzərindəki qalibiyyətindən də danışan Tramp İŞİD-ə qarşı mübarizənin son mərhələsinə çatdıqlarını dilə gətirib.

Qeyd edək ki, Tramp ötən ay çıxışlarının birində ABŞ ordusunun Suriyadan qısa zamanda ayrılacağını demiş, lakin geri çəkilmə prosesinin detallarından bəhs etməmişdi.

Digər bir tərəfdən Trampın açıqlamasından sonra mətbuat konfransı keçirərək jurnalistlərin suallarını cavablandıran ABŞ Xarici İşlər Nazirliyinin sözçüsü Hizer Noyert prezidentin sözügedən açıqlaması ilə bağlı məlumatlı olmadıqlarını bildirib.

Noyert jurnalistlərdən birinin, “Sincardakı son vəziyyəti şərh edə bilərsinizmi? PKK bölgədən ayrıldığını deyir, amma Türkiyə hələ də təhdid edir. Sizin məlumatınıza görə orada vəziyyət nə yerdədir?”, sualına XİN sözçüsü PKK-nın adını çəkmədən belə cavab verib: “Sincarda bəzi qrupların olduğuna dair xəbərləri gördük. Sincarı bir çoxumuz yezidi kürdlərinə görə xatırlayırıq. Orada yaşayanların bəziləri xilas olmaq məcburiyyətində olan, bəziləri də İŞİD tərəfindən vəhşicəsinə öldürülən yəzidilərdir”.

Türkiyənin bəzi qrupların Şimali İraqda olmasına görə narahatlığını anlayırıq deyən Noyert İraqda aparılacaq hər hansı bir əməliyyatın İraq hökumətinin razılı əsasında gerçəkləşdirilməsinin tərəfdarı olduqlarını söyləyib.

XİN sözçüsü PKK-nın Sincardan çıxıb çıxmaması ilə bağlı sualı isə cavabsız qoyub.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...