Uca Allah oruc haqqında buyurub::

“Ey iman gətirənlər! Sizdən əvvəlkilərə fərz qılındığı kimi oruc tutmaq sizə də fərz qılındı ki, bununla qorunasınız”.

“Bəqərə” surəsi, 2/183

Trampın Qolan yüksəklikləri barədə qərarının tarixi açıqlanıb

İsrailin Qolan yüksəklikləri üzərində suvereniteti barədə bəyannamə imzalanacaq.

ABŞ prezidenti Donald Tramp sabah İsrailin Qolan yüksəklikləri üzərində suverenliyini tanıyacaq.

Din.az bildirir ki, bunu İsrail xarici işlər naziri İsrael Kats bəyan edib.

Sabah D. Tramp Ağ Evdə İsrail baş naziri Binyamin Netenyahu ilə görüşəcək. İ. Kats deyib ki, sabah D. Tramp İsrail baş naziri Binyamin Netenyahunun iştirakı ilə İsrailin Qolan yüksəklikləri üzərində suvereniteti barədə bəyannaməni imzalayacaq. İsrail xarici işlər naziri bildirib ki, ölkəsi ilə ABŞ arasında münasibətlərin hazırda heç vaxt olmadığı qədər möhkəmdir.

Qeyd edək ki, D. Tramp martın 21-də Vaşinqtonun İsrailin Qolan yüksəklikləri üzərində suverenliyini tanımalı olduğunu bəyan edib. ABŞ prezidenti hesab edir ki, bu yüksəkliklər strateji əhəmiyyətlidir və İsrailin təhlükəsizliyi üçünv vacibdir.

Xatırladaq ki, 1944-cü ildən Suriyaya məxsus olan Qolan yüksəklikləri 1967-ci ildə 6 günlük müharibə zamanı İsrail tərəfindən işğal edilib. 1981-ci ildə İsrail parlamenti Qolan yüksəklikləri üzərində bu ölkənin suverenliyini elan edib. Ancaq BMT Təhlükəsizlik Şurası 17 dekabr 1981-ci ildə qətnamə qəbul edərək İsrailin bu qərarını qanunsuz sayıb. / ONA.az

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...