Uca Allah Buyurur:

İnsanlara yaxşı olmağı əmr edib özünüzü yaddan çıxarırsınız, eləmi? Bir də Kitabı oxuyursunuz. Heç ağlınızı işlədirsiniz?

Bəqərə surəsi, 44

Türkiyə Ali Təhsil Şurası Qafqaz Universiteti məzunlarının diplomlarının tanınmaması məsələsinə aydınlıq gətirib

“Qafqaz Universiteti artıq tamamilə yeni formada fəaliyyət göstərir”.

2016-cı ilə qədər Qafqaz Universitetindən məzun olan və təhsilləri davam edən tələbələrin diplomları Türkiyə tərəfindən tanınmayacaq.

“Din.az” APA-ya istinadən bildirir ki, Azərbaycanın Türkiyədəki səfirliyinin Təhsil Müşavirliyi bu barədə məlumat yayıb.

dsc_0985

Məlumatda bildirilir ki, 12 yanvar 2017-ci il tarixində “Yeni Şafak” qəzetində Azərbaycanda fəaliyyət göstərən Qafqaz Universiteti ilə bağlı xəbər dərc olunub.

“Xəbərdə qeyd olunan məsələ Türkiyə Respublikası Ali Təhsil Şurası (YÖK) ilə dəqiqləşdirilib. YÖK-dən verilən məlumata görə, 2016-2017-ci tədris ilində Qafqaz Universitetinə qəbul olunan tələbələr məzun olduqdan sonra (yəni 4 il sonra) onların diplomları normal qaydada tanınacaq. 2016-cı ilə qədər məzun olan və təhsilləri davam edən tələbələrin diplomları isə tanınmayacaq”, – deyə məlumatda bildirilir.

Azərbaycanın Türkiyə səfirliyindəki təhsil müşaviri Nəcibə Nəsibova bildirib ki, bu qərar veriləndən sonra Türkiyə Ali Təhsil Şurasının üzvləri ilə görüşüb.

Onun sözlərinə görə, bu qərar barədə Azərbaycan Təhsil Nazirliyinə məlumat verilib: “Bu, tək Azərbaycan üçün verilən qərar deyil. Məlum siyasi hadisədən sonra Türkiyə Ali Təhsil Şurası dünyanın bütün ölkələrində olan belə universitetlərin diplomlarını tanımayacaq. Hansısa ölkədəki mövcud ali məktəblərdə rəhbərlik hələ də dəyişilməyibsə, onların diplomları bundan sonra da tanınmayacaq”.

  1. Nəsibova vurğulayıb ki, məlum hadisələrdən sonra Qafqaz Universiteti ilə Türkiyə universitetləri arasında müəyyən qrant layihələri, tələbə mübadilələri, birgə müqavilələr dayandırılıb: “Bundan sonra Qafqaz Universiteti ilə universitetlərarası anlaşma, işbirliyi, əlaqələr bərpa ediləcək. Çünki bu universitet artıq tamamilə yeni formada fəaliyyət göstərir”.

MÜZAKİRƏ

Bir Cevap Yazın

E-posta hesabınız yayımlanmayacak. Gerekli alanlar * ile işaretlenmişlerdir

Din.Az - yaradandan yaradılana...