Uca Allah oruc haqqında buyurub::

“Ey iman gətirənlər! Sizdən əvvəlkilərə fərz qılındığı kimi oruc tutmaq sizə də fərz qılındı ki, bununla qorunasınız”.

“Bəqərə” surəsi, 2/183

Yeni Zelandiyada məscidlərdə atəş açılmasından sonra 4 nəfər saxlanılıb – VİDEO

Polis 3 kişi və 1 qadını saxladığını təsdiqləyib.

Yeni Zelandiyanın Kraystçörç şəhərinin məscidlərində atəş açılmasından sonra 4 nəfər saxlanılıb.

Din.az “Report”a istinadən xəbər verir ki, bu barədə yerli polis komissarı Mayk Buş məlumat verib.

O, polisin 3 kişi və 1 qadını saxladığını təsdiqləyib. Polis komissarı saxlanılanlar barədə əlavə məlumat verməyib.

M.Buş həmçinin mətbuat konfransında deyib ki, Yeni Zelandiyanın hüquq-mühafizə orqanları bir neçə əldəqayırma partlayıcı qurğu aşkar edib.

Yerli KİV-in məlumatına görə, Yeni Zelandiyanın məscidlərində atəşi bu ölkədə yaşayan avstraliyalı Brenton Tarrant açıb. O, hücum anını “Facebook” sosial şəbəkəsində yayımlayıb və internetə 37 səhifəlik manifest yerləşdirib. Bu şəxs Almaniya kansleri Angela Merkel və Türkiyə Prezidenti Rəcəb Tayyib Ərdoğan ilə hesablaşmaq istədiyini açıqlayıb.

Xatırladaq ki, Yeni Zelandiyanın Kraystçörç şəhərindəki “Əl-Nur” və “Linvud” məscidlərində naməlum şəxslər tərəfindən açılan atəş nəticəsində azı 27 nəfər ölüb, daha 40 nəfər yaralanıb.

MÜZAKİRƏ

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Din.Az - yaradandan yaradılana...